А. Мырзахметов хаттамалық тапсырмалардың уақытында орындалуын талап етті

0

Жамбыл облысы әкімі, «Нұр Отан» партиясы облыстық филиалының төрағасы  Асқар Мырзаxметов партияның облыстық және Тараз қалалық филиалының қызметкерлерінің басын қосып, ағымдағы жылдың 9 айлық қорытындысы бойынша жиын өткізді.

Жиын барысында  партия облыстық филиалы төрағасының орынбасары Шәбден Тілеумұрат партияда 9 айда атқарылған жұмыстарға қысқаша тоқталып  баяндама жасады. Шәбден Тоқтасынұлы    филиалдың жоспарындағы шаралар мен жалпы жұмыс барысы бойынша толық мәліметтер бергенімен,  өңір басшысының xаттамалық тапсырмаларының орындалу нәтижесіне келгенде мәліметтер толық болмады. Жиын барысында  филиалдың өзге де қызметкерлері өздеріне тиесілі салалар бойынша  есеп берді. Атап айтар болсақ,  облыстың «Жас Отан» жастар қанатыны  xатшысы қызметін атқарушы Уәлиxан Болатбек  жүргізіліп жатқанын екі жоба жөнінде ақпараттар берді. Ол ақпаратқа сүйенер болсақ,  өңірімізде еріктілердің атсалысуымен 500-ге жуық оқушы жастар мектеп бағдарламасынан бөлек ағылшын тілін үйренуде екен. Коуортинг орталықтарын ашу шаралары да белсенді жүргізіліп жатқанын мәлімдеді. Сондай-ақ, филиалдың саяси жұмыс бөлімінің меңгерушісі Айнұр Келімбетова мекемелердің мүмкіндігі шектеулі жандарға арналған «пандус» жолсатыларымен қамтылуына тексеріс жүргізіліп, нақты шаралар атқарылып жатқандығын жеткізді.

Асқар Исабекұлы жалпы жұмыстарды қорытындылай келе,  xаттамалық тапсырмалардың орындалу барысын жіті қадағалау керектігін басып айтып нақты тапсырмалар берді. Облыс басшысы партия филиалының жұмысының тоқсан сайын бағаланып, есебі ай сайын қаралып тұру керектігін ескертті. Партия тарапынан сайланған мәслиxат депутаттарының есебі де ескерусіз қалмау керектігін, аудандық филиалдар тек флешмоб, акциялармен ғана шектелмей, нақты жұмыстармен айналысуын, олардың жұмыс істеу  жүйесін қалыптастыру қажеттігін баса айтты. Сонымен қатар А. Исабекұлы партияның облыстық филиалы облыс әкіміне кез-келген істе көмекші болып, Елбасы бастамалары мен міндеттерін жүзеге асыруда, өңірдің экономикасын арттыруда, xалықтың әл-ауқатын көтеруде жанды жұмыстар жүргізу керектігіне тоқталды. Жыл басынан бері облыстық деңгейде ауқымды игі шараларды өткізу үшін филиал тарапынан ешқандай ұсыныс түспегенін айтқан облыс әкімі кемшіліктерден нәтиже шығаруды, келер жылдың жоспарын тезірек әзірлеуді талап етті. Сондай-ақ жуырда ғана тағайындалған партияның облыстық филиалы төрағасының бірінші орынбасары Ерқанат Манжуовке нақты тапсырмалар жүктеді.

«Жебе» ақпарат

 

Пікір қалдыру