Елбасы Жолдауы – өнерге қанат бітірді

0

 «Қазақстан – 2050» бағдарламасы еліміздің өркендеуіне ерекше мән, сапа беріп болашақ кемел даму жолына бастайтын бағдарламаға айналғаны анық. Елбасы Қазақстандық шынайы патриотизмді қалыптастыруда, елімізде салауатты өмір салты мен мәдениетті дамытуда кешенді іс-шараларды жүзеге асыруды, жалпы алғанда Қазақстан қоғамының әлеуметтік-экономикалық тұрғыдан дамуының жан-жақты байыпталған дәйекті тұжырымдамасын ұсынып отыр. Осының бәрі еліміздің рухани-әлеуметтік, саяси-экономикалық тәжірибесін жаңа деңгейге көтеруге бағытталған.

Осыған байланысты Жамбыл облысы әкімдігінің мәдениет, архивтер және құжаттама басқармасының Облыстық халық шығармашылығының ұйымдастыруымен орталығы облыстық халық театрларының шығармашылық дамуына және тұрғындардың театрға деген қызығушылығын арттыру, облыстағы «халықтық» театрлар, драма үйірмелеріне қатысушылардың орындаушылық шеберліктерін шыңдау, халық театрларының бір-бірімен тәжірбие алмасуы арқылы өнерлерін жетілдіру, жандандыру мақсатында 2018 жылдың 22-23 қараша күндері Облыстық қазақ драма театрында халық театрларының «Театр-KZ» фестивалі өтті. Іс- шараға зиялы қауым, жоғарғы және арнаулы орта білім ошақтарының ұстаздары мен білімгерлері, облыс аудандары мәдениет мекемелерінің ұжымдары, жалпы өнерге қызығушы қауым қатысты.

Фестивальге облысымыздағы 17 театр ұжымдарынан барлығы 45 үміткер қатысты. Фестиваль «Бір актер театры» қағидасы бойынша өтіп, халық театрларының қатысушылары пародия, этюд, монолог, мимика жанрлары бойынша өнер көрсетті.

Байқаудың қорытындысы бойынша:

І орын- «Дулати» жастар театры, Тараз қаласы

ІІ орын- «Сарысу» театры, Сарысу ауданы

ІІІ орын- Б.Битанов театры, Т.Рысқұлов ауданы

Номинация бойынша:

«Үздік пародия»- Баетов Айдар, «Шу қаған» театры, Шу қаласы

«Үздік этюд»- Әбдіқадір Әділет, «Жансарай» театры, Тараз қаласы

«Үздік монолог»- Бекжанов Ербол, «Мыңбұлақ» театры, Жуалы ауданы

«Үздік мимика»- Мақсұт Мақсат, «Шу театры», Шу ауданы

Байқауға белсене қатысқандары үшін алғыс хатпен: «Жуалы», «Қордай», «Дарын», «Мойынқұм», «Құмөзек», «Меркі», «Саудакент», «Талас», «Шахан» халықтық театрлары марапатталды. Сондай- ақ барлық қатысушы театр ұжымдарына бағалы сыйлықтар табысталды.

Пікір қалдыру